Zlatan Ibrahimovic dhe Tyrone Mings pritet të dënohen nga Federata Angleze me nga dy ndeshje mos lojë për sjelljet e tyre josportive në barazimin në Old Trafford.
Sulmuesi suedez ka thënë se gjithçka ishte e paqëllimtë dhe se ishte mbrojtësi anglez ai që kishte faj në këtë rast, pasi kishte futur kokën te bërryli i tij.
“Nuk e di, ndjeva diçka, por dëgjoni, ju e keni në televizion dhe mund të shikoni imazhet se çfarë ka ndodhur”.
“Në situatën time, unë jam hedhur lart dhe njëkohësisht e kam mbrojtur vetëm dhe ai është hedhur te unë dhe bërryli im”.
“Këto përballje ndodhin dhe shpresoj që ai mos të jetë lënduar”, ka thënë Ibrahimovic. /Telegrafi/