Pronari i një shtëpie në qarkun Harris në Teksas, SHBA – mbrëmë ka qëlluar për vdekje një burrë i cili i kishte vjedhur zgarën.
Sherifi i qarkut Ed Gonzalez ka njoftuar se policia reagoi të dielën pas telefonatës për të shtëna, dhe pas hetimeve fillestare është konstatuar se viktima kishte tentuar të vjedhë zgarën nga shtëpia, transmeton Telegrafi.
Pasi mësoi se po ndodhte vjedhja, pronari i shtëpisë u fut në veturë dhe u nis drejt veturës së hajnit. Kur e arriti, e kërcënoi dyshen e burrave që ishin në veturë.
Update: investigators determined the deceased male had stolen a bbq pit from the shooter’s residence. The homeowner exited his residence and gave chase in his own vehicle. The homeowner caught up and confronted the male who was stealing the bbq pit a
1/4 https://t.co/gk7PXG2wMD— Ed Gonzalez (@SheriffEd_HCSO) February 18, 2024
Ai i tha policisë se hajni kishte armë dhe se kishte shtënë mbi të nga frika se do ta pësojë me jetë.
Gonzalez pretendon se personi i dytë në veturë nuk ka pësuar lëndime.
E policia arrestoi pronarin e shtëpisë, që siç thotë sherifi ka bashkëpunuar me hetuesit dhe u ka dhënë deklaratën e plotë për incidentin. /Telegrafi/