Ky është momenti kur një studente e re kolumbiane konfrontohet me një biznesmen, të cilin e akuzon se ia kishte prekur të pasmet derisa ishin në tren.
Në video shfaqet Annie e cila i vihet pas sulmuesit në stacionin e metrosë në Sydney, që ishte i mbushur me pasagjerë, transmeton Telegrafi.
“Isha në tren dhe ai më preku të pasmet. Në fillim mendova se dikush më preku me çantë, por u habita kur pashë dorën e tij. Ai u largua dhe askush nuk më ndihmoi”, ka deklaruar Annie që nuk mund të ndalte lotët.
Një burrë që e quante veten John, pretendonte se bëhet fjalë për një gabim: “E kam parë, ishte një burrë tjetër. Ju siguroj që ishte një person tjetër”.
Por, Annie këmbëngulte duke thënë se ishte pikërisht ai që e preku nga pas. Ndërkaq, policia është duke hetuar pamjet dhe ka intervistuar Annie. /Telegrafi/
