Detektivët në Houston të Teksasit janë duke kërkuar të dyshuarin që qëlloi me armë dy burra, të cilët ia kishin ngacmuar të dashurën në një pompë të derivate.
I dyshuari i paidentifikuar dhe një femër që besohet të jetë e dashura e tij, ishin larguar me shpejtësi nga vendi i ngjarjes me një veturë të tipit Dodge Charger, pasi kishte shtënë me revole mbi dy persona në veri të Houston, transmeton Telegrafi.
Sipas policisë dyshja po ecnin në afërsi të një dyqani kur dy burra filluan ta ngacmojnë partneren e tij. Si pasojë e këtij veprimi i dashuri i saj pa u menduar dy herë nxori revolen dhe shkrepi gjashtë plumba mbi dy burrat.
Mediat amerikane raportojnë se që të dy janë qëlluar në këmbë dhe më pas janë dërguar me urgjencë në spital për tretman. Gjendja e tyre shëndetësore është stabile pas intervenimit të mjekëve, kurse policia vazhdon ta kërkoj dyshen. /Telegrafi/
