Një mësues nga Nebraska nuk mundi të mbante lotët pasi studentët e tij mblodhën para për t’i blerë atij një palë atlete të preferuara, pasi ishin vjedhur të vjetrat.
Sipas mediave të huaja, përcjell Telegrafi, bëhet fjalë për pamje që fillimisht tregojnë momentin kur mësuesi lexon një letër që studentët ia kishin shkruar.
Më pas ai mund të shihet duke shpërthyer në lot ndërsa fillon të hap kutinë e atleteve, brenda çantës së dhuratave.
Gjithashtu, studentët e tij mund të dëgjohen duke shijuar momentin dhe nxitojnë t’i japin mësuesit një përqafim në grup.
Një nga studentët ka shpjeguar se mësuesi – emrin e të cilit nuk e treguan – ishte mësuesi “më i gjallë” në shkollë.
Ajo tha se mësuesit i ishin vjedhur atletet e tij të basketbollit nga zyra e tij, gjë që i nxiti studentët të vepronin.
Jo të gjithë studentët e parë në video kanë grumbulluar para për atletet, sipas studentes, por turma ishte mbledhur për të treguar mbështetjen e tyre për mësuesin. /Telegrafi/
