Një kujdestare e një kopshti zoologjik që ishte sulmuar nga një tigër ka përshkruar momentin kur ajo kishte menduar se do të vdiste kur një tigër gjigant u gjend mbi të.
Sipas mediave të huaja, përcjell Telegrafi, bëhet fjalë për Nadezhda Srivastava, një nënë 44-vjeçare, u la në një gjendje të rëndë, pasi u sulmua nga një tigër në kopshtin zoologjik të Kaliningradit, dy javë më parë.
Duke folur për herë të parë që prej luftës së saj të jashtëzakonshme për jetën, Srivastava përshkruan se si gjendej në një situatë tepër të vështirë për disa minuta.
Ajo zbuloi se si ajo u përgatit për vdekje të pashmangshme duke menduar për fëmijët dhe nënën e saj, pasi u ndje fare e pafuqishme dhe e pashpresë përballë maces së madhe.
Por papritmas, tigri i Siberisë u tërhoq, pas sulmit që i bënë me gjësende vizitorët e kopshtit zoologjik.
Ajo zbuloi gjithashtu se si – duke parë vdekjen – instinkti i saj, habitshëm përpiqej të fliste me tigrin.
“Në pak çaste pashë tigrin, duke qëndruar gjysmë metër nga unë”, tha ajo.
“Fillimisht u përpoqa t’i flas atij – si,’ Shko ‘ose’ Më lër të shkoj’”.
Ajo shpejt e kuptoi se ishte e gabuar.
“Unë isha si në një ëndërr dhe nuk kuptoja plotësisht se çfarë po ndodhte. Ai veçse më kishte shtrirë në tokë”.
“I vura bërrylat dhe duart në nofullat e tij, kështu që ai nuk do të prekte kokën dhe qafën time. Kur tigri pak e dobësoi kontrollin e tij, unë kisha një shpresë”. /Telegrafi/
