Peng Fu, një shërues 79-vjeçar i cili praktikon mjekësinë tradicionale kineze, e ka gjetur një lidhje të çuditshme në mes gjatësisë së flokëve të tij dhe shëndetit të pacientëve të vet. Në fakt, flokët nuk i ka shkurtuar që 60 vjet dhe pohon se mu për këtë pacientët e tij janë të shëndoshë.
“Kam pushuar së shkurtuari flokët dhe pacientët kanë filluar të shërohen. Qasja ime ndaj mjekësisë është bërë më e efektshme sa më shumë që i kam lënë flokët të rriten”, ka thënë Peng, derisa transmeton gazeta austriake “Austrian Times”.
Herën e fundit që i ka matur flokët e tij ato kanë qenë të gjata 2.7 metra. Shëruesi nga qyteti Suining në Kinën qendrore qasjen e tij ndaj mjekësisë e merr shumë seriozisht, prandaj pacientëve të tij nuk u lejon t’ia prekin flokët dhe i pastron shumë rrallë.