T’i jepet fund përgjithmonë, të harruarit e fëmijëve apo kafshëve në vetura
Shumë prodhues, po konsiderojnë vendosjen e një lajmërimi, që i tregon shoferit se është dikush apo ka mbetur diçka në ulët e prapme të veturës, transmeton Telegrafi.
Këto sisteme që quhen dhe veprojnë në forma të ndryshme, duan t’i japin fund përgjithmonë të harruarit e fëmijëve, kafshëve apo ndonjë gjëje të vlefshme në ulësen e prapme.
Derisa shumë qeveri po e konsiderojnë si kërkesë nga prodhuesit, që ta vendosin këtë sinjal në veturat e reja, Hyundai ka bërë një hap të rëndësishëm përpara.
Rear Occupant Aler apo shkurt ROA, është sistemi i krijuar nga Hyundai që kontrollon mbylljen e dyerve dhe gjendjen e brendshme të makinës, ndërsa sinjalizon duke aktivizuar borinë dhe dërgon mesazh në telefonin e pronarit.
Ky opsion, që do të jetë standard në të gjitha veturat Hyundai të vitit 2020, është një përpjekje e zgjuar që të mos harrohet asgjë brenda veturave. /Telegrafi/
