Mininistri në detyrë i Punëve të Brendshme të Kosovës, Skender Hyseni, është takuar sot me homologun e tij slloven në Lubjanë, nga i cili ka marrë përkrahjen për anëtarësimin e Kosovës në INTERPOL.
Hyseni, përmes një postimi në Facebook, ka bërë të ditur se Boshtjan Shefiq i ka thënë se Kosova mund të llogarisë në mbështetjen e Sllovenisë në rrugën e saj drejt anëtarësimit në INTERPOL.
Postimi i plotë i Hysenit:
“Sllovenia përkrah antarësimin e Kosovës në INTERPOL. Këtë ma konfirmoi sot në Lubjanë Sekretari i Shtetit për Punë të Brendshme i Sllovenisë, Boshtjan Shefic. Në MPB të Sllovenisë zhvillova takime shume përmbajtësore, me fokus të veçantë në antarësimin e vendit në mekanizma ndërkombëtar të bashkëpunimit policor, pas letrës që kam marrë nga Sekretari i Përgjithshëm i INTERPOL-it, Jurgen Stock, lidhur me aplikimin për anëtarësimin e Kosovës në këtë organizatë.
Në Lubjanë mora përkrahjen e plotë të Sllovenisë për votimin e aplikacionit të Kosovës në AP të INTERPOL-it në Peking këtë vjeshtë”, ka shkruar Hyseni në Facebook. /Teelegrafi/