Ambasadori i Kosovës në Maqedoni, Ylber Hysa, ka thënë në një prononcim të shkurtër për Klan Kosovën se në situatën e eskaluar në Maqedoni, asnjë shtetas i Kosovës nuk është i lënduar.
“Sipas informatave tona deri me tani nuk ka asnjë kosovarë të lënduar. Dhuna ka ndodh në parlament”, ka deklaruar Hysa.
Situata në Maqedoni ka eskaluar pasi Talat Xhaferri u zgjodh kryetar i Parlamentit të Maqedonisë dhe një turmë protestuesish të dhunshëm, përkrahës të Nikola Gruevskit, kanë mësyrë parlamentin, ku kanë sulmuar fizikisht deputetët, mes tyre edhe liderin e LSDM-së, Zoran Zaev.
