Kjo sfidë e gjen Shqipërinë në pozitën e tretë të grupit D me 5 pikë nga katër ndeshje dhe një fitore me dy gola diferencë do të mund t’i ngrejë Kuqezinjtë në pozitën e dytë dhe të mbajë gjallë shpresat për kualifikim.
“Kjo është një nga ndeshjet më të vështira për ne, sepse luajmë në fushën tonë dhe jemi nën presion. Duhet të fitojmë patjetër kundër Bjellorusisë, që është kundërshtari ynë direkt. Do të jetë e vështirë, por unë kam shumë besim”, ka thënë Hyka në një intervistë për Sportin Shqiptar. /Telegrafi/