Jahmir Hyka ka vazhduar me formën e mirë në kampionatin zviceran.
Mesfushori i Kombëtares së Shqipërisë, ishte titullar në ndeshjen mes Luzernit dhe Thunit që përfundoi 3:0.
Anësori ka qenë protagonist në këtë takim duke asistuar në golin e dytë në ndeshje.
Ndërkohë në këtë takim trajneri Markus Babel kishte vendosur ta pushojë reprezentuesin e Kosovës, Hekuran Kryeziu i cili ka luajtur thuajse gjitha ndeshjet.
Pas pesë javëve në elitën e futbollit zviceran, Luzern ndodhet në pozitën e dytë me 12 pikë të tubuara, tri më pak se Baseli.
Ndërkohë Grasshopperi ka shënuar fitore 2:1 ndaj Sionit duke e rikthyer rezultatin në fund të takimit.
Alban Pnishi luajti gjatë 90 minutave, ndërsa titullar ishin edhe Mërgim Brahimi dhe Florian Kamberi që u zëvendësuan në fund të ndeshjes. /Telegrafi/