Mbrojtësi i Kombëtares së Gjermanisë, Mats Hummels ka folur para ndeshjes ndaj Irlandës së Veriut.
Anëtari më i ri i gjigantit gjerman Bayern Munich, ka thënë se Gjermania duhet të fitojë me shumë gola për të qenë të sigurt se do të përfundojnë në pozitën e parë.
“Me sinqeritet jua them se rezultati gjatë lojës i Polonisë do të na interesojë dhe do të ketë ndikim te ne”.
“Nëse jemi në avantazh 1:0 dhe Polonia udhëheq 3:0 ndaj Ukrainës, atëherë na duhet që të fitojmë me goleadë, në mënyrë që të jemi një hap para rezultatit të çiftit tjetër”.
“Qëllimi ynë është që ta fitojmë ndeshjen, por njëkohësisht të renditemi të parët në grup”, deklaroi Hummels.
Fitorja e Gjermanisë me shumë gola do të ishte e mirëseardhur edhe për Shqipërinë. /Telegrafi/