“Zone diet”, krijues i së cilës është Barry Sears, një biokimist amerikan, e propagandon mënyrën e shëndetshme të të ushqyerit, e cila u ka ndihmuar shumë yjeve të Holliwudit që të humbin peshë, disa prej tyre janë aktoret Demi Moore dhe Sandra Bullock, ndërsa dieta fillon me rregullin 40:30:30. Kjo do të thotë që secila shujtë, sipas mendimit të dr. Sears, duhet të përmbajë 40 për qind karbohidrate, 30 për qind yndyra dhe 30 për qind proteina. Ai pohon se “Zone” është gjendje në të cilën sasitë e sheqerit në gjak janë stabile, ndërsa hormonet të ekuilibruara.
Sipas mendimit të Searsit, njerëzit fillojnë të trashen menjëherë pasi dalin nga gjendja e zonës, sepse teprica e karbohidrateve në ushqim çon deri te rritja e nivelit të insulinës në gjak, e cila më pas shkakton uri dhe i shtyn njerëzit që të hanë vazhdimisht diçka. Kështu krijohen shtresat dhjamore në bark dhe kofshë, ndërsa për këtë arsye Sears këshillon se është shumë e rëndësishme që të kufizohet konsumimi i karbohidrateve përgjegjëse për glikeminë (sasinë e sheqerit në gjak). Të dëshirueshme janë karbohidratet nga pemët dhe perimet, ndërsa duhet kufizuar konsumimin e patateve, orizit dhe bukës.
Bëjeni një meny të tillë, në mënyrë që për çdo ditë të keni pesë shujto, tri kryesore dhe dy zamra.
Konsumoni bajame dhe ullinj
Harrojeni jogurtin ose djathin me yndyrë. Është mirë që të hani ushqime të pasura me acide yndyrore të pangopura, siç janë bajamet, avokado, ullinjtë, vaji i ullirit dhe vajrat tjera të shëndetshme për zemër. Sears pohon që, nëse konsumohen yndyra me karbohidrate, do të mbahet ekuilibri i insulinës në gjak dhe organizmi do të nxitet që t”i djegë yndyrat tashmë të grumbulluara.
Tani është koha për proteina
Burimi më i mirë i proteinave është mishi i pulës pa lëkurë, qumështi dhe jogurti pa yndyrë, ajka me përqindje të ulët të yndyrës, fasulja dhe soja. Sipas rregullave të kësaj diete, për shumicën e njerëzve ne ditë nevojiten së paku 55 gramë proteina, por çdo gjë varet nga mosha dhe pesha juaj trupore.
Konsumoni bukë nga elbi
Pemët dhe perimet janë burime shumë më të mira të karbohidrateve se buka, brumërat dhe patatet, ndërsa përmbajnë edhe më shumë fibra, vitamina dhe minerale dhe kanë më pak kalori. Në vend të bukës nga mielli i bardhë konsumojeni atë nga elbi, i cili gjithashtu është i pasur me karbohidrate dhe njëkohësisht shume më i shëndetshëm.
MENYJA PËR NJË DITË
Kafjalli
* 1 filxhan jogurt pa yndyrë
* 100 g kivi
* 2 pjesë djathë parmezan
Zamra
* 20 g parmezan
* 2 biskota të njelmëta
Dreka
* 120 g mish peshku nga skara
* 300 g sallatë të gjelbër dhe domate me vaj ulliri
* 150 g ananas
Zamra
* 20 g bukë të thekur integrale
* 30 g mish gjeldeti dhe 20 g kikirikë
Darka
* 100 g file pule nga skara
* një kokë radhiqeje me një lugë vaj ulliri
* 120 g rrush
/Telegrafi/
