Mike Ouman ka qenë i gatshëm për më të keqen kur iu prish vetura në shkretëtirë në Arizonë.
Ai nuk kishte valë në telefonin e tij mobil, kurse brenda veturës kishte një shishe gjysmë të mbushur me ujë, një qese me ëmbëlsira, dy birra dhe një sandviç, transmeton Telegrafi.
Për dy ditë ka mbetur në një zonë ku nuk lëvizte njeri, dhe në një moment mendoi se do të vdesë.
Me sa duket shkaku i këtij fati të tij të keq kanë qenë instruksionet e gabuara të Google Maps, dhe kështu humbi rrugën në shkretëtirë ku nuk jeton asnjë njeri në atë zonë.
Pasi e pa që po i rrezikohet jeta filloi të kërkojë ujë dhe ushqim, dhe me telefon filmoi një video ku pranon se është tepër i frikësuar.
Would you drink your own urine if you were stranded in the desert? Mick Ohman says he did. His story, tonight on #12news pic.twitter.com/cNmc64Qov7
— Matt Mauro (@mattmauronews) August 6, 2017
“Asnjëherë më parë nuk jam ndjerë kaq shumë i uritur dhe i dehidruar. Sa herë që tentoja të përpija diçka nuk mundesha pasi që fyti ishte shumë i thatë. Kështu mendova që më mirë do të ishte të pi urinën time… dhe në fund vërtetë e bëra atë. Por, më ka habitur fakti se si nuk ka qenë edhe aq e keq siç kam menduar”, ka deklaruar Ouman për televizionin ABC.
Por, për fat të mirë pas dy ditëve të ngrohta i humbur në shkretëtirë, takoi një motoçiklist i cili ia shpëtoi jetën.
Ai është dërguar me urgjencë në spital dhe tani ndihet shumë mirë, dhe është duke u munduar ta rimarrë veturën që i ka mbetur në shkretëtirën e Phoenix-it. /Telegrafi/
