Një vajzë e moshës 19-vjeçare ka humbur jetën gjatë një aksidenti trafiku dje rreth orës 18 në Itali. Në përplasjen fatale janë përfshirë dy automjete një “Fiat Multipla” drejtuar nga një 53-vjeçar nga Guastalla dhe një “Fiat Bravo” me të cilin kanë udhëtuar baba e bijë me prejardhje nga Gostivari, 41 dhe 19 vjeç, rezident në Villarota, njofton TV Globi.
Nga përplasja e fortë automjetet kanë përfunduar jashta autostradës. Në vendin e ngjarjes kanë dalë menjëherë tre automjete të Kryqit të Kuq, një ekip mjekësh dhe një ekip zjarrfikësish për të transportuar të aksidentuarit drejt qendrave spitalore.
Pak më vonë hetimet në vendgjarje i ka zhvilluar edhe policia provinciale e Guastallas.
Në spitalin e Guastallas me urgjencë janë dërguar vozitësi i makinës “Fiat Multipla” me prejardhje indiane dhe vajza, derisa babai i vajzës është transferuar në Santa Maria të Rexhios. Fatkeqësisht, nuk ka arritur t’u mbijetoj plagëve e reja 19-vjeçare nga Gostivari.
Siç njoftojnë mediat italiane vajza ka qenë një vajzë shembullore në regjionin në të cilën ka jetuar dhe kishte qenë një nga studentet më të dalluara.
