Një nëpunëse e aeroportit është goditur në fytyrë me iPad, nga dy pasagjerë të cilët kishin humbur fluturimin e tyre.
Në videon e filmuar nga kamerat e sigurisë, mund të shihet se si një burrë sulmon gruan e cila mundohej t’ia shpjegonte rregullat e aviokompanisë, transmeton Telegrafi.
Por momenti më shokues është ai kur burri kërcen rrethojën në mënyrë që ta ketë më të lehtë ta godas gruan, derisa një koleg i saj mundohet ta mbrojë.
Në ato momente shfaqet një pasagjer tjetër, i cili i del në ndihmë nëpunëses duke e goditur fort në kokë sulmuesin.
E gjithë kjo ngjarje e tmerrshme raportohet të ketë ndodhur në aeroportin ndërkombëtar Noi Bai në Hanoi. /Telegrafi/
https://www.youtube.com/watch?v=sAqAEqT_LYM