Huawei ka konfirmuar se lansimi i Mate X është duke vazhduar përpara, pavarësisht se telefoni rival i palosshëm Samsung Galaxy Fold është tërhequr disa ditë para datës së publikimit, për shkak të problemeve me qëndrueshmërinë e ekranit fleksibil AMOLED.
Ndryshe nga Galaxy Fold, që paloset në brendësi – duke ruajtur ekranin e mbivendosur brenda telefonit kur nuk është në përdorim, ekrani në Huawei Mate X del në pjesën e jashtme.
Ky është një dizajn krejtësisht i ndryshëm. Është gjithashtu e mundur që qasja e marrë nga Huawei mund të jetë më e besueshme, sepse ndërsa Samsung ka vonuar pafundësisht Galaxy Fold, Mate X është ende në rrugën e duhur.
Huawei konfirmoi se planet për lansimin e telefonit të palosshëm X në qershor mbeten të pandryshuara, sipas një zëdhënësi për kompaninë që flet për platformën e lajmeve të industrisë kineze, MyDrivers.
Thashethemet kishin sugjeruar që Huawei po merrte në konsideratë shtyrjen e datës së lansimit të Mate X për në shtator, për testime shtesë. /Telegrafi/