Kryetari i Partisë Demokratike të Kosovës (PDK), Enver Hoxhaj i është adresuar publikut përmes një konference për media, pas vendimit të qeverisë për ta proceduar në Kuvend Projektligjin për Zgjedhjet.
Ai ka thënë se në kohën kur vendi po përballet me një prej krizave më të mëdha që nga paslufta, me pandeminë COVID 19, si pasojë e keq menaxhimit të së cilës, në Kosovë gjatë një viti kanë vdekur rreth 2 mijë qytetarë dhe kanë humbur mbi 50 mijë vende pune, Albin Kurti i verbëruar nga pushteti dhe i vetë vaksinuar, po kërcënon e po shantazhon me zgjedhje të reja.
“Kjo krizë e ka burimin te kryeministri Kurti dhe qeveria e Kosovës. Në vend që të kemi një plan të veprimit për t’u përballur me coronavirusin ne qëndrojmë në Kuvend”.
Hoxhaj thotë se ndryshimi i Ligjit për Zgjedhje kërkon kohë dhe nuk mund të bëhet për 12 orë.
“Në vendet demokratike Ligji për Zgjedhjet nuk mund të iniciohet vetëm nga një parti. Reforma për të qenë e plotë nuk mund të bëhet pa opozitën dhe pa mbështetjen e OSBE-së, Komisionit të Venecias”.
“Qytetarët duhet ta kuptojnë se Kurti ka frikë nga pushteti dhe nuk dëshiron të marrë përgjegjësi. Ai përmes këtij Ligji dëshiron ta dërgojë vendin në zgjedhje ashtu siç bëri vitin e kaluar kur shkarkoi Agim Veliun”.
Kryetari i PDK-së thotë se kjo parti do ta kundërshtojë me çdo mjet demokratik Projektligjin për Zgjedhje që LVV pritet ta sjellë në Kuvend.
Hoxhaj ka ftuar edhe përfaqësuesit ndërkombëtarë që të reagojnë pas kësaj situate.
“Le ta thonë edhe ata sonte fjalën e tyre”, tha ndër të tjera Enver Hoxhaj./Telegrafi/