Ministri i Punëve të Jashtme i Kosovës, Enver Hoxhaj ka takuar sot Drejtoreshën për Zgjerim dhe Fqinjësi të Mirë në Ballkanin Perëndimor, Genoveva Ruiz Calavera.
Duke e falënderuar për mbështetjen, Hoxhaj ka shprehur përkushtimin e institucioneve të Kosovës në rrugën e integrimit euro-atlantik, si dhe për stabilitet të qëndrueshëm në rajon.
Hoxhaj e ka njoftuar drejtoreshën Calavera për progresin e Kosovës sa i përket agjendës së reformave evropiane, përafrimit me BE’në si dhe zbatimin e kritereve për liberalizim të vizave.
“Kosova është e përkushtuar në zbatimin e reformave evropiane në kuadër të aspiratave dhe vendosmërisë për të ardhmen evropiane. Mbështetja e Brukselit dhe e zonjës Calavera është edhe një dëshmi për angazhimin tonë maksimal në këtë drejtim”, ka thënë Hoxhaj.