Zëvendëskryeministri i Kosovës, Enver Hoxhaj, ka ironizuar me kryeministren e Serbisë, Ana Brnabiq, e cila së fundmi deklaroi se Serbia nuk do ta njohë Kosovën.
Hoxhaj, në një postim në Twitter, ka thënë se “nëse kryeministrja e Serbisë thotë se ata nuk janë të gatshëm ta përmbushin kushtin e BE-së për një marrëveshje ligjërisht të obligueshme dhe ta njohin Kosovën, a mos duhet të flasim për ngrohjen globale në dialog?”.
Më tej Hoxhaj në këtë status ironizoi me kryeminitsren serbe, duke ia përkujtuar se në Ballkan po mban mot i ftohtë.
If #Serbian PM says they’re not ready to fulfill EU condition for a legally binding agreement & recognition of #Kosovo,shall we maybe just talk about global warming in the dialogue?It’s a cold snowy winter in Balkans and it can be an interesting discussion https://t.co/kKG3d8C92l
— Enver Hoxhaj (@Enver_Hoxhaj) March 24, 2018
Hoxhaj vazhdimisht ka thënë se dialogu nëse nuk përfundon me njohje i humbet kuptimi, prandaj shpeshherë ka pasur shkëmbime të rënda me liderët e shtetit serb të cilën nuk duan ta pranojnë një gjë të tillë. /Telegrafi/