Aktivisti, Ylli Hoxha, e ka cilësuar si akt terrorist sulmin e Hamasit ndaj Izraelit.
Në emisionin “Debat Plus”, ku po diskutohet në lidhje me luftën në mes të Izraelit dhe Hamasit, Hoxha ka potencon se ndonëse është krim monstruoz i njëjti pritet të jetë një akt vetëvrasës i Hamasit si grup terrorist.
Hoxha thekson se “nuk ka zgjidhje ushtarake e të sigurisë pa zgjidhje fundamentale politike”.
Sipas tij, kjo zgjidhje “duhet të imponohet”.
“Palestinezët po e bëjnë luftën e tyre kombëtare. Krimi i Hamasit ndaj Izraelit është krim monstruoz, akt terrorist i pafalshëm. Siç duket do të jetë akt vetëvrasës i Hamasit si grup terrorist”, tha ai.
Sipas tij, ky akt duhet të ndalet menjëherë dhe të dënohet.
“Aktet e tilla nuk duhet përkrahur nga askush nga ne as nuk duhet të legjitimohen pa kurrfarë shkaku. Akti duhet të konsiderohet si akt tejet i dënueshëm. Nuk tolerohet që të vriten njerëzit e pafajshëm”, thotë ai.
Hamasi si organizatë e lindur vonë, siç thotë analisti Hoxha ka ndërruar kursin dhe sipas tij është shumë më e dhënë pas një rezistence të dhunshme që i mohon bisedimet e arritura të cilat kulmojnë në atë që është propozimi i vitit 1967.
“Kjo çështje nuk zgjidhet me një fitues të një ane, kjo duhet të zgjidhet me kompromis dhe arritja e këtij kompromisi duhet ta mbisundojë idenë e dhunës dhe hakmarrjeve. Sot e kemi popullatën e Izraelit viktimë, por kjo nuk duhet të jetë pretekst e një dhune më të madhe. Ky moment duhet të ndalet. Gjetja e zgjidhjes është ajo që propozojnë SHBA-të dhe BE-ja”, shtoi ai.
Hoxha thekson se Izraeli derisa e ka Gazën të izoluar, nuk do të ketë qetësi.
