Kandidatja për deputete nga PDK, Dhurata Hoxha, në takimin e grave të Listë së PDK-së, për zgjedhjet e parakohshme, ku të pranishme ishin edhe mysafire të shumta, vlerësoi atmosferën madhështore ashtu siç pritet fitorja më 6 tetor.
Hoxha në një postim në llogarinë e saj në Facebook ka shkruar se fuqizimi ekonomik i grave, përbën fokusin thelbësor të zhvillimit të gruas.
“Mikpritja e Prizrenit është mrekulli. Sonte, së bashku me gratë kandidate për deputete të PDK-së, mysafire dhe kandidatë për deputetë nga Prizreni, prezantuam shkurt vizionin tonë, në atmosferë madhështore, ashtu siç do të jetë fitorja jonë, më 6 tetor.
Përfshirja e grave në vendimmarrje, mundësitë e barabarta, luftimi i paragjykimeve dhe dhunës ndaj gruas, shkollimi i gruas në viset rurale, janë disa nga çështjet me prioritet.
Fuqizimi ekonomik i grave, përbën fokusin thelbësor të zhvillimit të gruas. Ky prioritet, është prioritet imi i vazhdueshëm. Ndërtojmë të ardhmen, për Ty për Shtetin”, ka shkruar ajo./Telegrafi/
