Eurodeputeti britanik Richard Howitt ka porositur se Maqedonia ose do të mbajë demokracinë, ose do të tërhiqet rekomandimi për anëtarësim në BE.
Ai këtë porosi e ka dhënë në profilin e tij në Twitter, ndërsa paraprakisht në Parlamentin Evropian theksoi se në Maqedoni ka krizë serioze politike ku nuk është sjellë në pikëpyetje Evropa, por përkushtimi ndaj demokracisë. Sipas tij, reformat në media janë të domosdoshme për të pasur zgjedhje fer dhe demokratike.
Howitt i quan të pavërteta pretendimet e VMRO-DPMNE-së se ka marrëveshje për të mos pasur reforma në media dhe vlerësime zgjedhore. Ai tha se këto çështje nuk kanë qenë aspak, pjesë e ndonjë marrëveshjeje, siç pretendohet nga ajo parti. /Telegrafi/
“Preserve democracy or EU talks recommendation will be withdrawn” I say on fYR #Macedonia https://t.co/7lYmCd75RE pic.twitter.com/5XYZc254H7
— Richard Howitt MEP (@richardhowitt) March 9, 2016