Mbrëmë janë zhvilluar tre ndeshje të fazës së ‘Play-Off’ në NBA.
Houston Rockets ka kaluar në gjysmëfinale të Konferencës Perëndimore pas triumfit në takimin e pestë.
https://www.youtube.com/watch?v=FelnHZxaqLY
Raketat triumfuan me rezultat 105-99 kundër Oklahoma Cityt dhe me këtë kanë arritur numrin e fitoreve 4-1 të serinë me Thundersave, transmeton Telegrafi.
James Harden ishte basketbollisti më efikas te Houston me 34 pikë derisa lojtari më i mirë në parket ishte Rusell Westbrook me 47 pikë dhe i mungoi vetëm edhe një asist që të arrij ‘triple-double’ e radhës në ligën më të fortë të basketbollit në botë.
https://www.youtube.com/watch?v=jgIsUm1BgaQ
Në raundin e dytë, Rockets do të luajë me fituesin mes San Antonio Spurs dhe Memphis Grizzlies.
Kjo e fundit është në disavantazh të serive të fitoreve 3:2 ndërsa në ndeshjen e fundit Spursat triumfuan me rezultat 103-116.
Në takimin tjetër Utah Jazz triumfoi me rezultat 97-92 kundër Los Angeles Clippersave duke marrë edhe epërsinë e serive të fitoreve me 3:2. /Telegrafi/
https://www.youtube.com/watch?v=O15IgbcfWuk