Houston Rockets e ka realizuar fitoren e tetë rresht, kësaj radhe ndaj Utah Jazz në udhëtim me rezultat 112-101, kurse Los Angeles Lakers fitoi me rezultat 107-103.
Lakers dhe Philadelphia zhvilluan ndeshje dramatike mes vete, ku madje Lakers patën epërsinë deri 16 pikë, për t’u barazuar në fund.
Megjithatë, në momentet e fundit përplasjen mes ekipeve të së ardhmes në NBA e vendosi Brandon Ingram i cili shënoi tri pikësh pas asistimit fenomenal nga Lonzo Ball.
Më i miri në këtë takim ishte Joel Embiid me 33 pikë, i shoqëruar nga Ben Simmons me triple double prej 12 pikë, 13 kërcime e plot 15 asistime.
Te Lakers shkëlqyen Ingram me 21 pikë, dhe Lonzo Ball me 10 pikë, tetë kërcime e tetë asistime.
James Harden realizoi 29 pikë dhe ishte më i miri bashkë me Chris Paul i cili regjistroi 18 pikë e 13 asistime në këtë duel, duke ja siguruar fitoren Houstonit.
Në konferencën lindore Philadelphia zbret në vendin e tetë me tetë ndeshje prapa vendit të parë që i takon Bostonit.
Në Perëndim, Houston Rockets mban kryesimin me me një fitore më shumë se Golden State dhe tri fitore më shumë se San Antonio, kurse Lakers është në vendin e 10-të me vetëm katër fitore larg një vendi që çon në playoff. /Telegrafi/
