Në tremujorin e parë të vitin 2018, në hotelet e Kosovës ka pasur 64,501 vizitorë, prej tyre 57.31 për qind ishin vizitorë të jashtëm.
Kështu thuhet në raportin “Statistikat e hotelerisë, tremujori i parë 2018”, prezantuar nga Agjencia e Statistikave të Kosovës (ASK), shkruan Telegrafi.
Sipas raportit, në këtë trmujorë ka pasur 86,227 bujtje, ku 59.30 për qind e tyre ishin nga vizitorët e huaj.
ASK thotë se pjesa më e madhe e hoteleve gjenden në rajonin e Prishtinës, ndjekur nga ai i Pejës dhe Prizrenit.
“Kapaciteti i shfrytëzueshmërisë së hotelëve në nivel vendi për këtë periudhë ishte 12.38 për qind. Numrin më të madh të vizitorëve dhe netëqëndrimet e tyre e ka rajoni i Prishtinës me 29,487 vizitorë dhe 41,224 netëqëndrime”, thuhet në raportin e ASK-së, përcjell Telegrafi.
Numri më i madh i vizitorëve të huaj përqendrohet në Prishtinë, Prizren, e kështu me radhë. Sa u përket vizitorëve të huaj, numri më i madh ishte nga Shqipëria, Turqia, SHBA,etj. /Telegrafi/