Një grua nga Oklahoma, e cila ishte në pjesën e pasme të një veture policie, akuzohet se hoqi prangat, rrëmbeu një pushkë dhe hapi zjarr – incidenti u filmua nga kamerat e sigurisë.
Ngjarja ndodhi jashtë qytetit amerikan të Oklahoma, raporton foxnews.
Sipas policëve, gruaja e identifikuar si 36-vjeçarja Rachel Zion Clay, ishte ndaluar për sjellje të çrregullt në trafik dhe u arrestua, transmeton Telegrafi.
“Ndërsa ishte në ulësen e pasme të një veture patrullimi, ajo mundi të lironte kyçin e dorës nga prangat të cilat ishin vendosur siç duhet”, tha nënsherifi i qarkut Grady, Gary Boggess.
Watch the latest video at foxnews.comNë pamjet nga kamera e veturës së policisë, gruaja shihet duke mbajtur pushkën dhe duke qëlluar nga xhami i pasmë.
Clay u barrikadua në veturë dhe u dorëzua pas më shumë se tre orë negociatash. Autoritetet thonë se ajo rezultoi pozitive për metamfetaminën.
Si oficeri, ashtu edhe civilët pësuan lëndime jashtë rrezikut për jetën dhe që atëherë janë liruar nga spitali, sipas autoriteteve.
Boggess tha se zyra e tij tani po bën ndryshime në protokolle në një përpjekje për t’i mbajtur policët të sigurt. /Telegrafi/