Konsumatorët në tregjet e përzgjedhura evropiane mund të rezervojnë Honda, e cila është në formën e një prototipi të paraqitur në këtë vit në panairin e veturave në Gjenevë.
Tani për tani, ky model urban elektrik mund të porositet në Britaninë e Madhe, Gjermani, Francë dhe Norvegji. Konsumatorët potencialë mund ta bëjnë këtë nëpërmjet faqes së internetit, me depozita me mundësinë e rimbursimit të parave.
Libri i porosisë hapet më vonë këtë vit dhe ofrimi i parë i makinave për pronarët e saj pritet në pranverën e vitit 2020.
Honda i befasoi entuziastët e makinave dy vjet më parë kur ajo paraqiti konceptin e një makine të vogël elektrike Urban EV në Frankfurt.
Kompania japoneze nuk bëri të ditur specifikat e versionit serik, por ajo është e njohur se autonomia e prototipit është më shumë se 200 km dhe kjo merr 30 minuta për mbushjen e baterisë në kapacitet 80%. /kp/Telegrafi/