Policia e Kosovës, më saktësisht e rajonit të Gjakovës ka arrestuar sot një person i cili dyshohet që ka hedhur lëndë djegëse në disa vetura të Policisë.
Kjo është konfirmuar nga zëdhënësi i Policisë për rajonin e Gjakovës, Sheremet Elezaj.
“Sot rreth orës 17:50, i dyshuari mashkull kosovar i moshës madhore është arrestuar pasi që i njëjti, për motive ende të panjohura, ka hedhur lëndë djegëse në disa vetura të Policisë të cilat kanë qenë të parkuara në parkingun e Njësisë Rajonale të Komunikacionit Rrugor në Gjakovë”, ka thënë ai.
Sipas Elezajt, si pasojë e kësaj dy vetura janë përfshirë nga zjarri i cili është lokalizuar shpejtë.
“Dy vetura janë përfshirë nga zjarri i cili është lokalizuar shumë shpejt. Lidhur me rastin është njoftuar prokurori i shtetit me vendimin e të cilit është iniciuar rast “shkaktim i rrezikut të përgjithshëm”, ka thënë më tutje ai.