Ky është momenti rrëqethës ku dy hipopotamë arrijnë ta shpëtojnë një kafshë të egër të cilën e kishte kafshuar krokodili në këmbë, dhe po tentonte ta fuste në ujë që ta copëtojë.
Videoja është filmuar në parkun Kruger në Afrikën e Jugut nga pensionisti Mervyn VAN Wyk i cili po vizitonte këtë park së bashku me gruan e tij Tokkie, transmeton Telegrafi.
Dyshja kishin vërejtur se si kjo kafshë po tentonte të kalonte në anën tjetër të lumit, të mbushur me zebra dhe kafshë tjera.
Gruaja e Mervynit ishte duke filmuar me kamerë kur vërejti kafshën e pafat duke u tërhequr zvarrë për këmbë nga krokodili, i cili ia kishte ngulur dhëmbët thellë në këmbë.
Dhe derisa po luftonte për jetë për më shumë se tetë minuta dhe dukej se gjithçka kishte mbaruar, në ndihme i dalin dy hipopotamë të cilët e detyrojnë krokodilin ta lëshojë. /Telegrafi/
