Hilaria Baldwin po e tregon mbështetjen e saj për bashkëshortin Alec Baldwin, pasi ai u akuzua zyrtarisht për vrasjen e kinematografes Halyna Hutchins.
Instruktorja e jogës, 39-vjeçe, ndau një foto krah bashkëshortit, 64-vjeç, të cilën e realizuan para 12 vitesh në takimin e tyre të parë.
“12 vjet më parë, këtë natë, u takuam. Në çfarë gjëra kemi kaluar, brenda, jashtë dhe duke vazhduar…çdo vend emocional, nuk mendoj se asnjëri prej nesh mund ta kishte parashikuar ndonjëherë”, tha ajo.
“Por ja ku jemi duke qëndruar në këmbë, të rrethuar nga të gjithë ju njerëz të mrekullueshëm, fëmijët tanë dhe bashkë”.
“Alec…unë jam këtu, ne jemi këtu…kurrë vetëm”, vazhdon më tej postimi.
Pavarësisht vështirësive ligjore të të shoqit, nëna e shtatë fëmijëve ka ndarë vazhdimisht fotografi të tyre së bashku.
Rreth dy javë më parë u njoftua se aktori dhe producenti është akuzuar penalisht në lidhje me të shtënat fatale të vitit 2021 në xhirimet e filmit ‘Rust’.
Akuzat kundër Baldwin dhe armatores së kastit të filmit, Hannah Guiterrez Reed, përfshijnë dy akuza për vrasje të pavullnetshme.
Kinematografja ukrainase u vra nga një municion i drejtpërdrejtë i shkrepur nga një armë skenike e mbajtur në dorë nga Baldwin, i cili pohon se ai nuk e tërhoqi këmbëzën e armës. /Telegrafi/
