Gonzalo Higuain ka dërguar një mesazh për tifozët e Napolit përpara debutimit të tij me Juventusin, ku iu ka thënë: “Ne do të luftojmë për të njëjtin objektiv, por në anë të ndryshme”.
Sulmuesi argjentinas është vendosur në funksion në takimin e nesër mbrëmjes të Series A me Fiorentinën në Torino.
“Nesër një aventurë e re fillon zyrtarisht për mua, me një ekip të ri dhe tifozë të rinj të cilët kanë qenë shumë të dashur me mua”, ka shkruar ‘El Pipita’ në profilin e tij në Instagram, transmeton Telegrafi.
“Duke parë që nga nesër ne do të jemi duke luftuar për të njëjtin qëllim, por në anë të ndryshme, unë dua të përshëndes edhe një herë dhe të falënderoj tifozët e Napolit që festuan me mua në tre vitet e mia në Napoli dhe që më mbështetën me dashuri të madhe”.
“Nuk do të iu harroj, ju falënderoj për çdo gjë!”, ka përfunduar Higuain.
Megjithatë, përgjigjet në postimin e tij nga tifozët e Napolit të gjitha ishin të mbushura me sharje e fyerje. /Telegrafi/
