Javë më parë rap-artistja shqiptare e cila jeton dhe vepron në Zvicër, Loredana Zefi bëri bujë të madhe në media gjithandej, pasi ishte akuzuar nga një çift zviceran për vënie në lajthitje, kërcënim dhe zhvatje të parave deri në 900 mijë franga zvicerane, bashkë me disa anëtarë tjerë të familjes.
Vetëm pak ditë pas këtij skandali, Loredana ishte kthyer në Kosovë bashkë me bashkëshortin e saj, Mozzik e cila mbajti një konferencë për media duke sqaruar gjithçka në lidhje me rastin. Këngëtarja ishte deklaruar e pafajshme, teksa hodhi poshtë të gjitha akuzat duke thënë që nuk ka bërë asgjë me dhunë e as me kërcënime.
Biondina ka mohuar faktin se është larguar nga Zvicra, duke thënë që pas përfundimit të klipit do kthehet atje bashkë me Mozzik dhe vajzën e tyre, Hanën.
Zyrtari për media në Prokurorinë e Kantonit të Luzernit, Simon Kopp për “Nau”, ka bërë të ditur se hetimet ndaj Loredanës pritet të zgjasin disa muaj.
“Duhet të hetojmë në detaje. Të bisedohet me avokatët. Pastaj është mbledhja e provave dhe marrja në pyetje. Kjo përfshin edhe vlerësimin e mesazheve Whatsapp, me të cilat çifti Valais dëshiron të provojë fajësinë e këngëtares”.
“Loredana Zefi ende ka prezumimin e pafajësisë. Prandaj, ajo nuk është e detyruar të qëndrojë në Zvicër. Ajo nuk ka pasaportë zvicerane. Nëse autoritetet zvicerane do të bënin një kërkesë për ekstradim, Kosova do të duhej të vendoste”, thotë ai më tej.
“Ne aktualisht po hetojmë vetëm Loredana Zefin. Nuk janë marrë ankesa të tjera kundër anëtarëve të tjerë të familjes”, ka thënë Kopp. Ai shtoi se është duke u hetuar për një mashtrim prej 350 mijë franga dhe jo 700 mijë siç është folur në media.
Përndryshe, Loredana aktualisht është në Zvicër dhe shumë shpejt pritet të publikojë projektin e ri muzikor. /Telegrafi/