Më 16 prill të vitit 2017, Ander Herrera ndoshta kishte bërë paraqitjen më të mirë në fanellën e Manchester United.
Mesfushori spanjoll kishte arritur të shënonte në fitoren 2-0 të Djajve të Kuq ndaj Chelseat, derisa kishte markuar në mënyrë fantastike Eden Hazardin.
Belgu cilësohej si lojtari më i mirë në Ligën Premier, mirëpo Herrera e kishte bërë të duket atë si një lojtar i thjeshtë.
Por, spanjolli tani ka vendosur të flas për atë çfarë i kishte thënë Jose Mourinhos në lidhje me markimin e Hazardit.
“Jose dhe unë e dinim se Hazard ishte lojtari më i mirë në Ligën Premier në atë kohë, andaj nëse ne dëshironim të fitonim, duhej që ai të mos prekte topin me këmbë ose sa më pak të jetë e mundur”, ka thënë Herrera.
“Kjo ishte në atë çfarë ramë dakord. Unë i thash Joses: “Jam i gatshëm nëse të duhet të markosh një lojtar, të ndjek atë ku do që shkon. Nëse atij do i duhet të shkojë në banjë, do të shkoj edhe unë atje, pasi dua ta fitoj ndeshjen’”.
“Gjëja më e rëndësishme në futboll është që skuadra ime të fitoj, pasi dua të shkoj në gjumë i lumtur. Nuk ka rëndësi çfarë bën, apo sakrificat që duhet ndjekur, por ju duhet të ndjekin rregullat dhe mos të bëni diçka ilegale”, ka shtuar më tej ai.
Herrera më tej ka bërë të ditur se Mourinho është trajneri më i mirë në botë në mënyrën se si luan ai. /Telegrafi/