Një oficer i policisë së Mumbait, i cili ishte jashtë detyrës, heroikisht shpëtoi jetën e një burri në një platformë treni lokale.
Siç shihet në video, burri po përpiqej të hipte në një tren në lëvizje.
Falë veprimit të shpejtë të oficerit, ai iu shmang një aksidenti tragjik.
Bëhet e ditur se ngjarja ka ndodhur në stacionin hekurudhor Goregaon, përcjell Telegrafi.
Në një postim që shpërndante videon e incidentit, Policia e Mumbait shkroi: “PC Balaso Dhage, ndërsa po udhëtonte për në shtëpi, vuri re një burrë të ngecur mes një treni në lëvizje dhe platformës në stacionin hekurudhor Goregaon. Duke vepruar me shpejtësi, PC Dhage shmangi një tragjedi dhe i shpëtoi jetën”.
Postimi ka mbledhur miliona shikime, pëlqime dhe ka ngjallur reagime të shumta.
“Përshëndetje për një punë të mrekullueshme. Përshëndetje për punën tuaj të madhe për të shpëtuar jetën e një të riu duke rrezikuar jetën tuaj”, shkroi një përdorues.
Një tjetër tha: “Përpjekje të mëdha! Respekt për oficerin e policisë”. /Telegrafi/