N’Golo Kante ka folur pas fitores së Chelseat ndaj Manchester Unitedit.
Chelsea ka fituar në çerekfinale të Kupës FA ndaj ‘Djajve të Kuq’ me rezultat 1-0, duke siguruar kështu kualifikimin për në gjysmëfinale.
Goli i vetëm i kësaj ndeshje u shënua pikërisht nga mesfushori francez, Kante, i cili shënoi një gol të bukur nga distanca.
Kante ka folur pas ndeshjes, duke theksuar se është i lumtur dhe ky është një rezultat i bukur për tifozët e skuadrës.
“Jam i lumtur që shënova përsëri dhe fituam”, ka thënë fillimisht Kante pas ndeshjes.
“Është një rezultat i bukur për tifozët”, përfundoi mesfushori francez. /Telegrafi/