Ish-sulmuesi i Barcelonës, Thierry Henry, këmbëngul se Kylian Mbappe po performon dobët për Real Madridin.
Mbappe ka shënuar tetë gola dhe dy asistime në 13 ndeshje konkurruese për klubin e tij të ri.
Por, Henry thekson se nuk mjafton që Mbappe shënon gola, por me Real Madridin kërkohet më shumë.
“A po luan ai në nivelin e tij më të mirë pasi e kemi parë të luajë në PSG? Jo. Ai ende duhet të mësojë”, ka thënë fillimisht legjenda franceze.
“Ai duhet të luajë më mirë si ‘nëntësh’, gjë që është shumë e vështirë për të tani”.
“Ai shënon gola, por ndonjëherë nuk mjafton në klube të tilla (si Real Madrid), nuk të japin shumë kohë”, shtoi më tej Henry. /Telegrafi/