Mbi 30 persona dyshohet se janë helmuar sot me ushqim në një lokal të ushiqmit të shpejtë në Malishevë, disa prej të cilëve janë dërguar për tretman mjekësor në QKUK dhe Spitalin e Prizrenit.
Në një komunikatë të Komunës së Malishevës thuhet se “mbi 30 persona janë helmuar nga ushqimi, por situata është menaxhuar mirë nga ana e personelit shëndetësor në Malishevë dhe organeve përgjegjëse komunale e organeve tjera përgjegjëse si AUV dhe policesë”.
Sipas drejtorit për shëndetësi, Hajdin Berisha, situata është menaxhuar më sukses dhe situata është në kontroll të plotë.
“Disa nga të infektuarit janë udhëzuar për QKUK në Prishtinë dhe në spitalin e Prizrenit”, thuhet në komunikatë, në të cilën bëhet e ditur se Komuna do të njoftojë me kohë për detaje të tjera lidhur me rastin.
Ndërsa, burime të Telegrafit bëjnë të ditur se qytetarët e infektuar kanë konsumuar ushqim në një lokal të ushqimit të shpejtë “Fast Food”. /Telegrafi/