Të gjithë ata që janë inkurajuar të përdorin helmeta, në të shumtën e rasteve kanë menduar se një kapelë plastike nuk mund të bëjë asgjë për mbrojtjen e shëndetit.
Mirëpo, këto imazhe tregojnë se sa efikase janë këto pajisje sipër kokës, të cilat mund t’ju shpëtojnë jetën, transmeton Telegrafi.
Helmeta motoçiklistësh dhe çiklistësh të ndara në gjysmë, të gjakosura apo me pjesë të shkëputura, janë ato që dëmtuar në vend të kokës së bartësit.
Nuk janë vetëm sportistët që kanë shpëtuar nga lëndimet, por edhe punëtorët e ushtarët, që i kanë shpëtuar nga pjesët e forta apo edhe plumbat.
Statistikat e një organizate të çiklistëve, tregojnë se 81 për qind e rasteve të vdekjeve të atyre që ngisnin biçikletë, ishte kur nuk po bartnin helmetë.
Kur është fjala te motoçiklistët, shifrat janë shumë më të këqija dhe situata është më e rëndë.
Rreth 40 për qind e vdekjeve në aksidente, është pikërisht mungesa e kësaj pajisje, ndërsa nuk po shkon duke u përmirësuar.
Deri në vitin 2000 ishin rreth 70 për qind që bartnin helmetë, tani ky numër ka rënë për dhjetë për qind në vend se të ngrihej.
“Përkujtoni atyre që nuk bartin helmeta apo që e kanë harruar ndonjëherë në shtëpi, se sa të rëndësishme janë”, është një koment lidhur me rastin. /Telegrafi/