Për vetëm një muaj pas lansimit fillestar, pakoja e re e kushtuar të rinjëve hej 3000 është aktivizuar nga dhjetëra mijëra të rinj të cilët janë pjesë e hej, komunitetit më të madh të të rinjëve në Kosovë, i cili ka rreth 150.000 anëtarë të regjistruar në komunitet.
Fillimisht, Hej3000 që ofron 3000 njësi (minuta, SMS ose megabajt – sipas dëshirës së përdoruesit) mund të aktivizohej vetëm një herë brenda muajit dhe ishte në periudhë promocionale, mirëpo për shkak të kërkesës së madhe të të rinjëve për të mundësuar aktivizim të pakos më shumë se një herë brenda muajit, hej e ka mundësuar këtë opsion, dhe tani pakoja mund të aktivizohet sa herë që anëtarët e hej duan ta kenë atë.
Validiteti i pakos Hej 3000 është 30 ditë, nga dita kur është bërë aktivizimi i fundit.
Aktivizimi i pakos Hej 3000 mund të bëhet shumë thjeshtë duke dërguar SMS në 50888 me tekst hej3, ndërsa kostoja e pakos është 3 euro për 30 ditë.
Hej 3000 është krijuar enkas për trevjetorin e Hej. Për tre vite rresht, Hej! ka shpërblyer anëtarët e saj me mijëra telefona të mençur mobil, ka organizuar dhjetëra ndeja për të rinjtë në pothuajse çdo qytet të Kosovës, ka organizuar udhëtime dhe aktivitete të shumta kreative dhe sportive, si dhe ka mundësuar pjesëmarrje në festivale dhe ngjarje të mëdha kulturore, sportive dhe edukative. /Telegrafi/