Nënkryetari i LDK-së, Lutfi Haziri ka insistuar edhe një herë, që LDK-ja për asnjë bashkëpunim nuk do të bashkëpunoj me PDK-në, e jo më për partneritet.
Madje, ai tha se as ndërmjetësuesit ndërkombëtarë, nuk do të mund t’i pajtojnë.
“Nuk ka pozitë në shtet, që mund ta ndryshoj mendjen për LDK-në”, tha Haziri në emisionin Debat Plus në RTV Dukagjini.
Lutfi Haziri ka folur për mos-inkuadrimin në listë për zgjedhjet e 11 qershorit, të ish-deputetit Fatmir Rexhepi.
Ai tha se vetë Rexhepi nuk ka pranuar të futet në listë.
Haziri ka thënë se Kosovës nuk i nevojiten më shumë se 12 ministra në ekzekutivin e ardhshëm.
Nënkryetari i LDK-së ka treguar arsyen pse në të vërtet nuk kandidoi për kryeministër.
“Mustafa ka qenë target i opozitës që nga dita e parë si kryeministër dhe nuk është lënë të punojë”, tha Haziri./Telegrafi/