Eden Hazard është i lumtur që është rikthyer në fushën e stërvitjeve dhe tani mezi pret që të luajë në La Liga.
Belgu ka pësuar një edicion të shkatërruar nga lëndimet te Real Madridi dhe nuk dëshiron asgjë më shumë sesa të kthehet në fushë.
“Ndihem shumë mirë që jam kthyer përsëri në fushë dhe po punoj me shokët e mi”.
“Tani duhet të presim që të vijnë ndeshjet, por unë jam shumë i lumtur”.
“Pas dy muajve larg kam nevojë për më shumë punë fizike dhe më shumë punë me topin”.
“Unë thjesht dua të jem gati për ndeshjen tjetër”, ka thënë ai për kanalin zyrtar të Real Madridit.
Pas një jave të stërvitjes individuale, klubet e La Ligas janë kthyer të stërviten në grupe deri në dhjetë lojtarë që nga e hëna, diçka për të cilën Hazard është i kënaqur.
Sipas tij fillimisht ishte e çuditshme, por tani është mjaftë e mirë stërvitja. /Telegrafi/