Kryetari i Komunës së Prizrenit, Mytaher Haskuka është shprehur i tronditur pas vrasjes së një 15 vjeçari në Prizren.
“Tronditës lajmi për ngjarjen e rëndë që ka ndodhur sot, me ç’rast ka humbur jetën një 15 vjeçar si pasojë e plagëve të marrura”.
I pari i Prizrenit ka bërë me dije se edhe autori i krimit është i mitur, me të cilin po merren organet e rendit për të hetuar rrethanat e tjera të ngjarjes.
“Nga drejtoria rajonale e Policisë së Kosovës, u informova që personi përgjegjës, i cili po ashtu është i mitur, tashmë është në mbajtje si dhe policia është duke hetuar të gjitha rrethanat në lidhje me këtë rast të rëndë”.
Haskuka ka shprehur ngushëllime për familjen e të ndjerit, derisa ka shprehur dëshirën që ngjarje të tilla ët mos përsëriten.
“Në emër të gjithë qytetarëve të Komunës së Prizrenit shpreh ngushëllimet e mia më të sinqerta familjes së të ndjerit.
Me shpresë që ngjarjet e tilla të mos ndodhin kurrë më”, ka përfunduar Haskuka./Telegrafi/
