Duket se Harry Styles ka nisur një lidhje të re me modelen e “Victoria’s Secret”, Candice Swanepoel.
Ish-ylli i “One Direction” ka krijuar një karrierë të shkëlqyer solo dhe mbetet një nga artistët më të mëdhenj në botë.
Në më shumë se një dekadë që kur u bë një emër i njohur, jeta e dashurisë së Harryt ka qenë vazhdimisht në qendër të vëmendjes, nga marrëdhënia me Taylor Swift, Caroline Flack e deri te Olivia Wilde.
Këngëtari i “The Sign Of The Times”, 29 vjeç dhe aktorja e regjisorja 39 vjeçe u takuan gjatë xhirimeve të filmit “Don’t Worry Darling”.
Megjithatë, ata u ndanë në mars të këtij viti dhe Harry thuhet se tani është duke u takuar me yllin e “Victoria’s Secret’, Candice, 34 vjeçe.
Një burim pohoi për The Sun se Harry dhe modelja afrikano-jugore ishin afruar në javët e fundit, pasi u takuan për herë të parë në vitin 2017 kur ai performoi në shfaqjen e markës në Shangai.
Harry ka qenë më parë i lidhur edhe me modele të tjera të “Victoria’s Secret” përfshirë këtu edhe Kendall Jennerin.
Ai po ashtu është përfolur edhe për romanca të tjera me yje si: Cara Delevingne, Nadine Leopold, Sara Sampaio, Georgia Fowler si dhe Camille Rowe.
Candice është një modele jashtëzakonisht e suksesshme për markën, pasi e ka filluar karrierën e saj në moshën 15-vjeçare.
Ajo u bë një engjëll i “Victoria’s Secret” në vitin 2010. /Telegrafi/