Harry Kane ka konfirmuar me anë të një postimi në mediat sociale se ai do të qëndrojë në Tottenham Hotspur për pjesën e mbetur të sezonit 2021/22.
Sulmuesi 28-vjeçar është lidhur me një transferim të madh te Manchester City gjatë afatit kalimtar të verës.
Megjithatë, pas shumë zërave dhe thashethemeve, Kane njoftoi të gjithë në llogarinë e tij zyrtare në Twitter të mërkurën, se ai do të mbetet te Spurs.
“Ishte e pabesueshme të shihje pritjen nga tifozët e Spurs të dielën dhe të lexoja disa nga mesazhet e mbështetjes që kam pasur në javët e fundit”.
“Unë do të qëndroj në Tottenham këtë verë dhe do të jem 100 për qind i fokusuar në ndihmën e ekipit për të arritur sukses”, shkroi Kane.
It was incredible to see the reception from the Spurs fans on Sunday and to read some of the messages of support I've had in the last few weeks. 👏⚽
I will be staying at Tottenham this summer and will be 100% focused on helping the team achieve success. #COYS pic.twitter.com/uTN78tHlk1
— Harry Kane (@HKane) August 25, 2021
Javën e kaluar, Manchester City bëri një ofertë prej 125 milionë funtesh për kapitenin e Anglisë, por ajo u refuzua nga kryetari i Spurs, Daniel Levy.
Tani, drejtuesit e klubit nga Etihad pritet të hidhen në sulm për yllin e Juventusit, Cristiano Ronaldo. /Telegrafi/