Princ Harry dhe Meghan Markle janë parë së bashku për herë të parë që pas daljes nga familja mbretërore gjatë një udhëtimi për Shën Valentin.
Fotografitë janë realizuar ekskluzivisht nga DailyMail teksa shohin çiftin mbretëror duke buzëqeshur dhe duke mbajtur çantat e tyre, por pa djalin Archie.
Ata zbarkuan në aeroportin Victoria rreth orës 4:45 pasdite të premten, me një grup të vogël sigurimi.
Dyshja zgjodhën të bënin një fluturim komercial kësaj radhe, pasi më parë fluturonin nëpër botë me avion privat.
Meghan zgjodhi gjithashtu një veshje të thjeshtë për fluturimin, një këmishë bardh e zi, xhinse e xhaketë të zezë.
Në anën tjetër, edhe Harry mbante një bluzë gri dhe një palë xhinse blu të kombinuara me kapelë gri.
Sipas parashikimeve është thënë që Harry dhe Meghan do të shkurorëzohen pas pesë vitesh.
Këtë e kanë thënë kompanitë e basteve që janë të bindura se çifti do të divorcohet brenda 2025.
Për momentin, Dukët e Sussex-it duken të lumtur dhe të gatshëm për jetën e re larg familjes mbretërore dhe asgjë nuk të bën të mendosh për një krizë mes tyre, por që ata janë jo pak të paparashikueshëm. /Telegrafi/
