Ish-ministri i Kulturës, Astrit Haraqija, ka thënë se nëse synohet fryma Rugoviane, atëherë Lidhja Demokratike e Kosovës duhet bashkuar e jo përçarë.
Haraqija tha se gabimi i kryetarit Fatmir Sejdiu ka qenë se ai e ka dëgjuar vetëm rrethin e tij të ngushtë.
“Nëse flasim për frymën Rugoviane, atëherë unë mendoj se Lidhja Demokratike e Kosovës duhet bashkuar. Presidenti Rugova thoshte shumë shpesh se duhet zgjedhur njerëz ekzekutues”, tha ai në Zona B të Klan Kosovës.
“Lufti Haziri vetëm në situata të jashtëzakonshme mund të depërtojë, sepse ai nuk është një person që mund t’i shkojë deri në fund”.
“Gabimi më i madh i LDK-së ka qenë kur Fatmir Sejdiu e dëgjoi vetëm rrethin e vet por i injoroi zërat e tjerë”.
“Gjithashtu ka pasur raste kur edhe Isa Mustafa ka akuzuar oponentët politik për SHIK-un, dhe më pas ka hyrë në koalicion me ta. Unë mendoj se ka kaluar koha e akuzave dhe tani duhet shikuar përpara”, tha Haraqija.