Sot ka vdekur kryetari i Federatës së Kosovës në Futboll, Fadil Vokrri.
Vokrri vdiq në mëngjes pas një sulmi në zemër të cilën e pësoi sa ishte në një fitnes në Prishtinë.
Kryeministri RamushHaradinaj gjatë ditës vizitoi bashkëpunëtorët e Vokrrit në zyrat e Federatës së Futbollit të Kosovës.
Ai deklaroi se humbja e Fadil Vokrrit është një ndër humbjet më të mëdha që ka mundur të ketë i gjithë populli shqiptar, pasi që Vokrri ka punuar shumë për futbollin dhe se i ka arritur disa synime të tij, sidomos pranimin e Kosovës në UEFA e FIFA.
“I shprehi ngushëllime të gjithë shqiptarëve kudo që janë, krejt sportistëve,krejt dashamirëve të sportit pra përkrahësve të sportit jo vetëm shqiptar, për humbjen më të madhe që kemi mundur me pas ne, e që është ndarja nga jeta e legjendës tonë të futbollit por jo vetë të futbollit, Fadil Vokrrit. Unë e kam humbur edhe një mikë personal. Sot e morra pak kohën me i shpreh ngushëllimet e mija me të sinqerta bashkëpunëtorëve federatës të gjithë miqve që kanë bashkërrugtuar me Fadilin, njëkohësisht familjes, njëkohësit mi siguru që institucionet e Kosovës në këtë rast Qeveria, Presidenca, Parlamenti të gjitha institucionet jemi për me i dhënë nderimet me të lartë të mundshëm legjendës sonë Fadil Vokrrit”, deklaroi Haradinaj.
Ndryshe varrimi i ish kryetarit të FFK-së do të bëhet nesër në orën 17:00 në qytetin e Prishtinës.