Kryeministri në detyrë, Ramush Haradinaj ka mirëpritur vizitën e shefit të diplomacisë evropiane, Josep Borrell.
Haradinaj përmes një postimi në llogarinë e tij në Facebook, ka thënë qëndrimi politik i Aleancës për Ardhmërinë e Kosovës është prezantuar nga përfaqësuesi i saj, Besnik Tahiri në takimin me Borrellin.
Postimi i plotë:
Mirëpresim vizitën e z.Borrell në Kosovë.
Propozimi nga BE për agjendë të përbashkët në Obiliq për inaugurimin e filtrave të ri me projektin “Green Deal” – për të cilin falënderojmë Bashkimin Evropian, ishte i pamundur të akomodohet në agjendën time për shkak të angazhimeve dhe obligimeve të përcaktuara më herët.
Ndërsa në takimin e z.Borrell me partitë politike, Aleanca për Ardhmërinë e Kosovës prezanton qëndrimin politik me përfaqësuesit e saj. /Telegrafi/
